〔 韓國自由行 〕上網編:限時 Pocket Wi-Fi 免租機費 SIM 卡上網每日 $22.9

〔 韓國自由行 〕上次講完去韓國自由行的租民宿問題,找到有提供免費 Pocket Wi-Fi 用的,固然開心;但如果找不到,唯有自己想辦法上網。有人會選擇自己租 Pocket Wi-Fi ,因為可用4G兼可分享數據,亦有人想方便,直接買 SIM 插入手機,就算只用 3G 都無問題。但無論你最後選擇哪一種,如何先最平?下面話你知。

韓國自由行

多人共用Pocket Wi-Fi:限時每日$34

要租用 Pocket Wi-Fi 去韓國,主要有兩個方法,一是租用香港的 Pocket Wi-Fi ,再帶去韓國使用;另一種是到當地租供應商提供的 Pocket Wi-Fi 。(有誰不知道,還要你來說!)小編主力推介是去當地租,因為大部分登記手續都可先在網上做好,過去機場的櫃台取 / 還機就得,手績亦不太繁複,地址亦好易找到,溝通上英語都可以,完全無難度,好過出發前後特別去取 / 還 Pocket Wi-Fi ,遲還又要罰錢好。

韓國自由行
現時各間電訊公司都正在做優惠,租用Pocket Wi-Fi免租機費,活動直至今年底。

而租Pocket Wi-Fi,最多人選擇KT的olleh為主,另外,亦有人會選擇SK的T mifi,其實無論哪一間,收費都是差不多,租機費每日3000韓元(約$20),另加無限上網數據費每日5000韓元(約$34),即大約$54一日,便可無限上網(支援3G及LTE),當然另外再加上按金。不過,由於韓國旅遊業不景,KTSK最近有活動,Pocket Wi-Fi提供免費租機,所以只需每日5000韓元(約$34),比起在香港租Pocket Wi-Fi,平均$60一日,自然有更大吸引力。

韓國自由行
KT三個櫃位都非常易找到,基本上在大堂逛一逛就看到。
韓國自由行
無論哪一間租Pocket Wi-Fi,大部分都是5000韓元一日,勝在一定用到4G上網。

短程7日SIM卡:最低每日$23

租Pocket Wi-Fi當然好,不過亦都有人嫌太重,寧願直接插入當地SIM用。選擇方面,中國移動香港中國聯通都有推出韓國7日3G上網卡,包5GB容量,前者$183(網購價,平均每日$26.1),後者$160(平均每日$22.9),明顯後者更加吸引。而且中國聯通更提供首爾Olleh WiFi Zone任用及贈送20分鐘IDD回港,又無需考慮言語不同的風險。唯一問題是只能使用3G上網,網速會比4G慢,如果只是回覆WhatsApp、LINE,有空再看看facebook和打卡,就絕對夠用,但如果想充當網絡電話與朋友溝通的話,最好連接Wi-Fi才使用。

韓國自由行
不想出街買,亦可到聯通網上商店買,在出發前直接寄到家中。

長途EG SIM:朋友輪住用

至於之前好多人都會買EG SIM去韓國上網,主要是因為可以使用到4G網絡,至於價錢方面,需要20,000韓元(約$133.2)的SIM卡費(包含1GB數據用量),如果要細SIM再另外收費,Hybrid SIM收取5,500韓元($36.6),Nano SIM則收取9,900韓元(約$66),可以選擇到當地指定便利店提取(免費)或寄到你的住宿地(費用3,000韓元,約$20)。

如果你使用iPhone 6及想直接將SIM寄到民宿,總費用為32,900韓元(約$219),以7日行程計算,每日大約$31.3。雖然EG SIM只得1GB容量,但由於同樣可免費連接Olleh WiFi Zone上網,理論上都夠用,加上SIM卡有效期為一個月,如果其他朋友都在附近時間去韓國,就可一同分擔SIM卡費用,隨時比聯通的7日上網卡更平。

韓國自由行
EG SIM有效期最多一個月,所以逗留時間愈長,就愈抵用。