〔 金仔韓遊 〕貝類倉庫玩燒蜆 三個字:鮮!鮮!鮮!

好多人都鍾意食海鮮,而去韓國,通常都是去鷺梁津食海鮮,不過,如果想平食但又夠新鮮,仲有無選擇?其實仲有好多選擇,而且有好多都是「放題」形式,價錢亦都夠平,但新鮮與否就好難講。而比較有保証就是名為조개창고(貝類倉庫)的任食燒蜆,有個大型水槽俾你自己揀蜆之外,食物種類又多,一定可以食餐飽。

貝類倉庫 燒蜆
由於間鋪位於三樓,都要抬到個頭幾高,先至會望得到。

老實講,要食任食海鮮,首爾都有好多,例如新村附近都有不少,不過,好多都是一個冰盤上枱,海鮮全部放在上面就算,就算有蜆有蟹俾你食,有幾新鮮大家心中有數。試過有一次去一間任食海鮮燒烤,竟然食肉好食過海鮮,搞到差少少對海鮮放題失去信心……

貝類倉庫 燒蜆
25,000won一個人並不算貴,不過最少要二人同人先得。
貝類倉庫 燒蜆
一入到鋪內的左手邊,就會見到好搶眼的水槽同勁新鮮的蜆。

講回這間貝類倉庫,在首爾都有幾間分店,而今次選擇位放永登浦店,因為附近都有幾多地方可以行,同埋比較近地鐵站,不過最後都要搵起碼15分鐘先搵到,因為店面並非地鋪,而是三樓鋪(其他兩間都有少少難搵,不過為食好嘢就無計),要抬高頭先會望得到。坐𨋢上三樓,一入去右手邊就見到個特大水槽,放滿帶子同不同大細的蜆,至於中間就有冰櫃,入面有鴨胸肉、雞肉串、腸仔、紫菜卷等等,都幾多食物揀。

貝類倉庫 燒蜆
想快熟,可以食腸仔、雞肉先,不過不要食太多,好頂肚。
燒蜆
除了肉串之外,仲有墨魚串,不過試一試就算,不算太吸引。

鋪面店員不多,最重要是無冷氣!好彩有好多大窗,通風都夠,只要揀位坐近窗邊,不太熱亦不怕燒烤味上身。先講講規矩,食物任食,水任飲,其他飲料要收費,飲完放在籃內,走先計數。枱面有個洞,專門放蜆殻,其他垃圾就放在其他垃圾埇。而好似油埇的椅是可以掀開,有圍裙比你用,亦可以將私人物品放入去,店員會比張中文指引你,睇完就一清二楚。

燒蜆
燒食物前記得睇清楚規矩,有埋中文註解。
燒蜆
水槽旁邊有薄餅、公仔麵等食品可取。
燒蜆
芝士夠多,燒完亦夠香口,你可以放心不會不夠飽。
燒蜆
公仔麵預先放辣湯粉,想要剩麵就同店員講,加熱水亦都要搵店員幫手。

第一時間當然拎蜆食,抬面有兩隻碟,一隻放海鮮,一隻其他食物,為免肚痛記得分清楚。去到水槽,應該有大拎大?錯,因為太大隻會燒好耐先開口,餓到死都未有得食,有大有細最好。同時亦可以拎埋不同肉類放在爐上面的鐵盤燒,一邊食一邊等最好。蜆同扇貝一樣,燒到開殻就食得,其實毋需再加味(即係牛油、芝士)都已經好鮮,亦都無砂,仲有燒鮑魚、特大扇貝可以揀,可以話重點必食,但由於燒的食間夠長,所以諗住剩食海鮮食到飽都幾難。而主食推介食物有燒薄餅、雞內串、鴨胸肉等,至於其他可以一試,不過不算太有特色。

燒蜆
心急食先攻細蜆,大約燒10分鐘就開口,都算快手。不過拎蜆記得帶手套,否則好易燙傷。
燒蜆
大隻蜆多肉,鮮味都重好多,不過就要等耐少少。切記不要將水倒入爐,搞到成鋪都煙之外,亦都好易整壞個爐。

另外,鋪頭入面都有公仔麵提供,你可能會覺得去食任食,仲食公仔麵?但如果你煮麵時放幾隻新鮮蜆肉入去一齊煮,包你食到湯都飲埋!至於價錢方面,25,000won(約$164)一位,而且無限時任食,以新鮮程度同食物質素,我覺得超抵。

燒蜆
仲有新鮮鮑魚食,不過不要燒太耐,否則會變韌,同食香水膠無分別。
燒蜆
特大帶子可以話全場最大挑戰,要燒到開少少隨要半個鐘,開口之後最好剪粒,燒多一陣半生半熟就食得。
 

조개창고(永登浦店)

地址:서울영등포구영등포동3가25, 3/F

營業時間:17:00至24:00

語言:普通話、韓文

售價:25,000won(無限時任食)

螢幕快照 2015-09-30 下午2.01.18

 

其他分店地址

조개창고(往十里店)
地址:서울특별시 성동구 하왕십리동 966-12 지층

營業時間:16:00至01:00

螢幕快照 2015-09-30 下午2.16.58
조개창고(新川店)
地址:서울특별시 송파구 잠실동 191-1 3 층

營業時間:16:00至01:00

螢幕快照 2015-09-30 下午2.04.05

​覺得這篇文章好的話,請讚好我們的Facebook專頁,以獲取更多新資訊。有你們的支持,是我們動力的泉源,多謝。



金仔

熱愛科技(不過無錢玩),亦都鍾意睇動漫(除了少女漫畫),可以話標準宅男一名,得閒就去旅行,飲飲食食周圍昅!

相關文章

?>

yeezy 350 v2 do fashion goods