[遊日情報]大阪必食 |超濃味 蝦湯拉麵

[遊日情報]大阪必食 |超濃味 蝦湯拉麵

2015-10-15 Off By Genki


大阪有名的拉麵鋪,可能好多人都會數金龍拉麵、一蘭、四天王。但人人都去食,點顯得自己識食?快快去幫襯這間開張半年的海寶拉麵啦,照牌菜オマール海老 蝦湯拉麵 ,食完包你覺得搭廿分鐘車來食都抵。

u4get

五花腩又腍又入味,好邪惡。

海寶拉麵店距離大阪難波都有段距離,必須在梅田站搭阪急線去螢池站,再行五分鐘先去到。雖然頗花時間,但食完之後,就認真想食多幾次。今次去幫襯時可能太晚,照牌菜オマール海老 蝦湯拉麵 由於是每日限量,已經售罄,唯有試食湯底一樣的海老味噌叉燒拉麵。先試試個湯底,由魚介系變奏出來的蝦湯味道超級濃郁,由三種蝦加豬骨熬出來的湯要俾爆Like,五花腩叉燒厚切得來又夠入味同腍,再加上麵身彈牙,成碗麵實在太好食。可能大家會奇怪為何碗中有檸檬,但其實這幾片檸檬有點睛作用,因為蝦湯實在太濃,食到一半可能有膩的感覺,這時只要用筷子擠出檸檬汁,湯味即時變爽,910yen食到如此好味多變化的拉麵,簡直抵爆。


至於オマール海老 蝦湯拉麵 ,雖然今次食不到,但都教教大家店鋪提供的正確食法。首先大家見到個大蝦頭不要即刻食,先享受原裝湯底的味道;待食到一半,就可以將蝦頭內的味噌撩出來,令蝦味更濃更重。當然如果後段,一樣可以擠擰汁減膩啦,盛惠980yen。

海寶拉麵

營業時間:11:00-14:00, 18:00-24:00

地址