Brookstone x AxentWear 貓耳耳機 打機都可以卡娃兒

鍾意打機,好易俾人標籤為宅男腐女,當然如果你個樣好似心穎 BB 咁,就算俾人話係腐女都無問題。但事實係世上無幾多個心穎 BB ,要打機都打得卡娃兒,不過搵個耳機幫手。之前在網上鬧得火熱的貓耳耳機,可以話是殺手鐧,女士們帶住打機,唔理你每日打機打足幾個鍾的腐女,還是扮宅偽腐,都應該呃到唔少 Like 。
Brookstone x AxentWear 貓耳耳機  打機都可以卡娃兒

網上集資響朵

Axent Wear 是由兩位加州大學柏克萊的畢業生 Wenqing Yan 及 Victoria Hu創辦,而在 2009 年便玩設計,迅即在短時間內集資超過 300 萬美元,並正式成立公司。而之後開發這個 Brookstone x AxentWear 耳機,最大特點是專為打機而設,加上外形可愛可見得,立即受到不少 game 迷注目,而這款耳機,亦正式引進入港。

Brookstone x AxentWear 貓耳耳機  打機都可以卡娃兒
按鍵都幾多,由左至右分別是音量鍵、喇叭鍵及燈掣。
Brookstone x AxentWear 貓耳耳機  打機都可以卡娃兒
耳筒線位及收音咪位獨立兩個插頭,方便使用不同靚咪收音。

開燈更可愛

講返隻耳機,最特別當然是耳機上的貓耳設計,以為純粹裝飾,但其實特別加設 LED 燈,仲要有埋紅、 藍、綠三種顏色俾你揀,睇落都幾搶眼。而為得打機而設,當然亦要加上收音咪先得,而除了耳機內的播放單元之外,在耳機本身亦有一個喇叭,想同朋友分享音樂,都可以即時利用喇叭播歌,相信有這種功能的耳機,數堆都無五個。

Brookstone x AxentWear 貓耳耳機  打機都可以卡娃兒
耳仔位有 LED 燈
Brookstone x AxentWear 貓耳耳機  打機都可以卡娃兒
耳筒兩邊都有光環。

打機睇戲一流

為得打機設,當然音質都好重要,首先設有一個 40mm 的單元,支援 20Hz至20KHz 的音質頻率。數字呢啲野,睇完就算,實際點先最重要,以打機為主,當然戴住試玩《Battlefield 4》,耳機的立體聲做得幾好,子彈飛過、開槍聲都好迫真,好有身歷其景的感覺,再用埋嚟試睇戲,音體聲更加突出。至於聽歌又點,首先試聽《羅生門》人聲同背景聲感覺不夠細緻,至於快歌,聽 Super Junior 的 《Sorry , Sorry 》,低音效果反而未如打機時突出。不過,睇戲打機,仲可以扮埋卡娃兒,都值回票價。

Brookstone x AxentWear 貓耳耳機  打機都可以卡娃兒
同得 Brookstone 合作,當然要印上 Logo 。
Brookstone x AxentWear 貓耳耳機  打機都可以卡娃兒
雖然耳機都幾大同重,不過只要校好長度,又無想像中辛苦。
Brookstone x AxentWear 貓耳耳機  打機都可以卡娃兒
雖然都算摺得埋,但要拎出街,都有一定難度。

售價:$1,199
查詢:2303 1889
相關網址