有無咁誇? 坂口健太郎成型佬接班人

日本男星 坂口健太郎 最近人氣急升,今季日劇就分別出演《 とと姉ちゃん 》(當家姐姐)同《重版出來!》,加埋前排嘅電影《女主角失格》同《俺物語!!》,雖然全部都唔係第一男主角,但都叫做多咗人識。

坂口健太郎

之不過,日本傳媒捧人有時候真係過咗少少火,最近就有網媒,竟然拎坂口嚟同上晒神位嘅型佬嚟比,話佢嗰副「 塩顔男子 」樣子,直情係阿部寛、反町隆史同竹野内豊級數,即係掂硬咁囉。不過好似太誇張喇,若果坂口真係咁勁,咁「 新版 L 」山崎賢人睇怕要衝出地球,同宇宙 G.E.M. 玩喇!

來源:NEWSポストセブン