廠狂推 VR 新手機 Google 潑冷水:「全部機未夠班!」

早前在 Google I/O 2016 大會上, Google 方面負責 VR 的部門正式公布會推出名為 Daydream 的平台,其實就是將一些有關 VR 的內容集中。不過,當要令到 Android 的 VR 新手機 更加有質素,當然要定立準則,先可以俾開發者跟從。有準則當然好,但 Google 同時亦指出,現時所有手機,包括旗艦級手機,都未能符合 Daydream 的資格,即是想玩?一定要買新機!

廠狂推 VR 新手機  Google 潑冷水:「全部機未夠班!」

其實發表這一番言論,是由 Google VR 部門主管 Clay Bavor ,在最近一次的訪問中,談及 Daydream 的標準,並清楚指出現時市面沒有一部手機,能達到 Daydream Ready 的規格,更指如果想玩,等幾個月換機,就一定要留意Daydream Ready 幾隻字。而更加特別的是 Nexus 6P 雖然是作為 DIY Daydream(開發者工具)的推薦手機,但一樣得唔到 Daydream Ready 認証。

daydream-ready-smartphones

究竟點解會咁?根據 Clay Bavor 解釋,要有高質素,規格絕對不能「將貨就價」,首先屏幕像素密度要高,才不會看到屏幕粗粒。第二是屏幕的更新率要夠高,頭部移動影像先唔會變差。第三是處理器及GPU的能力夠,同時又不會發出太大熱量。聽完之後,似乎現時真係無邊部機做得到。

來源:Road Tovr