其實早在幾年前開始,遊戲公司除了造 game 之外,亦本著唔好浪費的精神,推出遊戲同名的 CG 電影,其中 《FF》系列都出得幾多,最新的 《 Kingsglaive: Final Fantasy XV 》在三月時,都已經發放 Trailer ,畫面的真實感個個都拍爛手掌。最近又發布兩條有關日語配音的片段,不過有《FF》迷指出,竟然出現甩咀情況!
不過,始終並非真人拍,而且又用英語為原型,用日語去配,會甩咀都好正常,實近年《FF》已經不再屬於日本遊戲,反而更偏向國際化,好似大部分主角都洋化到沒有日本遊戲特色,而洋人演出更加常見。而今次配女主角的聲優,是女演員忽那汐里(即係拍過好多柯南真人版,扮毛利蘭嗰個),而男主角則由綾野剛(喺殺戮都市扮黑服星人,之前同戶田惠梨香拍拖嗰位)負責,組合上都幾騎呢。
《 Kingsglaive: Final Fantasy XV 》聲優 Trailer
女主角聲優忽那汐里專訪
來源:maidigitv