男友被搶 志田未來堅稱是朋友

先排有狗仔隊伏到神木隆之介同F CUP女星佐野雛子返屋企玩天光,之後齊齊著情侶裝出門口,兩人雖然口講是朋友,但大家都心領神會知乜事。不過事件曝光後,好似無乜人理過神木之前緋聞女友志田未來嘅感受,猛咁吹對炮……朋友幾咁登對、「玩」得幾咁投契。 志田未來

志田未來

今日,志田未來就出席咗電影《母と惑星について、および自転する女たちの記録》(逐隻字繹:母親和地球,婦女的旋轉紀錄)宣傳,疑似被人搶咗男友嘅志田,精氣神明顯麻麻地,喺台上無必要時仲唔笑。不過,志田都好大方咁話,佢同神木由始至終都係好朋友,今次見到對方有「戀情」,都替對方開心。咦?聽完好似有點葡萄咁喎。

不過有口痕友就話,志田你小學生咁嘅身材,同人哋F Cup比,輸都抵啦。

志田未來

來源:Oricon Style