菜菜緒新片角色叫胡蜂  《土竜の唄 香港狂騒曲》改名都要應景

菜菜緒新片角色叫胡蜂 《土竜の唄 香港狂騒曲》改名都要應景

日本著名導演三池崇史出名怪雞,但慘得過大把藝人鍾意同佢合作。嚟緊12月佢套嘅新片《土竜の唄 香港狂騒曲》,就請到生田斗真、 菜菜緒 、本田翼等等等紅咗同未紅晒嘅演員合作,套片係《土竜の唄 潜入捜査官REIJI》嘅續作,單睇個名就知故事會發生喺香港,仲係講黑幫大決鬥啦。

1468948213-3247646305_n 菜菜緒

日前,電影公司就公布咗海報同劇照,片中菜菜緒飾演一名來自中國嘅殺手,佢套高叉透視旗袍,將佢身材若隱若現咁呈現咗出嚟。不過班宅男狼叫之餘,就大叫離晒罩,事關菜菜緒造型照上嘅香港尖咀景,嗰啲中文招牌騎呢到爆,例如有「罵恥戀」、「潛火夜總」同「女人拍賣」等,最令人髮指係菜菜緒個角色名叫「胡蜂」,好難令人唔會聯想到「修哥」囉。

菜菜緒

來源:ModelPress