覆水易收 | Dmail 隨時刪除誤寄電郵

覆水易收 | Dmail 隨時刪除誤寄電郵

2015-07-29 Off By Genki

大部分人都應該試過,寄email時寄錯俾其他人,又或者打錯了內容想回收郵件,雖然Gmail都可以做到undo功能,但如果隔了數日先發現,或對件已打開了文件,就完全無辦法。而家有個Chrome的Gmail plug-in,安裝後就可以隨時刪除已出之郵,就算對方開過照樣可delete,認真好用。

1.當安裝了Dmail後,寄件時就可見到畫面有一個Destroy功能,可以俾用家設定郵件銷毁時間。

01

 

2.寄件後,如果打開寄件備份,就會發現多了一個Revoke Email掣,一按之後,對方就算已經睇過,都無法再打開郵件,好簡單。

02

可能你會覺得如果對方已經睇過郵件,再刪除好似無用,但試想像如果有痛腳俾對方捉住,同口講無證據完全是兩回事,正所謂人無恥便無敵,當然剷了再講。但提提你,剷除功能只可剷走文字內容,附近無辦法刪除,如果有附圖,send之前都要小心睇清楚。今年內開發商將會推出Android及iOS版,到時就手機都用到。

 

下載