韓國的整容技術世界聞名，但化妝品亦都不輸蝕，起碼不少港女都爭住用爭住試。最近韓國化妝品牌IOPE就拍了個廣告，搵來 南韓索模 在無重力下凌空搽粉底液，但其實都不是好難啫。
成個無重力狀態有30秒，當飛機進入無重力狀態，就見到 南韓索模 同埋一眾攝製隊都凌空飛起，但就見到 南韓索模雖然不斷在空中轉身空翻，但就依然好優雅地在補粉底液，30秒內就補到滑溜溜好似剥皮雞蛋一樣。雖然IOPE是想表達可以快速補妝，但想效果好，應該過來香港搵女演員，再在奪命小巴上拍攝廣告，到時又點止補到粉底液？眼線眼影唇彩做齊都得啦。
