〔 韓國自由行 〕裝app編:遠離強國人  行出冷門景點  韓遊app大集合

〔 韓國自由行 〕裝app編:遠離強國人 行出冷門景點 韓遊app大集合

2015-08-14 Off By 金仔

去韓國自由行,最怕就是言語不同,又不似日本有漢字,無論飲食、行街都要靠估。雖然近年首爾有好多地方都被強國人「佔領」,例如明洞、東大門等,好多人都識講普通話,但相對貨品出售價又會高一截。想搵到好玩又少強國人去的地方,當然要有手機app幫手,解決語言、交通等等問題,不過部分app要連上網先用到,記得租定PocketWi-Fi。​travel

中文站名搜尋
韓國地鐵信息HD

​去韓國,尤其是首爾,最好的交通工具,當然是坐地鐵,地鐵站之多比日本有過之而無不及,想去的地方大部分都去到。不過,亦由於地鐵站數多,單是轉線都睇到頭暈。而韓國地鐵信息HD最大的特點,是只需輸入站名,即可教你轉線,而且更可輸入中文站名,毋需學韓文先識用。

韓國自由行

另外,app亦提供地鐵入站時間及到達時間,方便預計行程。值得一提的是,韓國每一個車站都有中文名顯示,不過車箱內就未必一定有中文提示(新車箱先有),如果怕搭錯車記得企近窗口位望清楚。韓國地鐵信息HD唯一缺點是只限Android,iOS就要用只限英文及韓文的Subway Korea代替。

韓國自由行

Android下載
韓國自由行

手口並用
自動翻譯

自動翻譯是一個即時翻譯的app,支援多國語音翻譯及文字翻,可以話問路同購物必備。你只要輸入或直接講出中文(廣東話都得),即可翻譯成韓文給對方看,亦能即發音俾對方聽,而對方亦可透過語音將韓文翻譯成中文。其實韓國上年紀一輩,都頗為健談,尤其是食店入面的「阿朱媽」,不時會主動同你打招呼,這個app絕對大派用場。

韓國自由行

Android下載
韓國自由行

iOS下載
韓國自由行

一拍即翻睇餐牌
Worldictionary

​如果不是去明洞這種旅遊區,入到食肆,相信最頭痛就是點餐,因為所有都是韓文,完全是二次元世界。好彩的會有圖,都可以看圖估食物,但有了Worldictionary,就毋需靠估。只要開個app,再用手機主相機對住韓文,便能即時翻譯成中文,命中率達到六成以上,至少可以知食了什麼肉落肚。

韓國自由行

Android下載
韓國自由行

iOS下載
韓國自由行

定位搵玩搵食
i Tour Seoul

如果不是經常去韓國首爾,連去邊玩都未必知,下載定導遊app就最好,而這個i Tour Seoul除了有齊首爾附近的必到景點之外,最重要是有自動定位功能,用家可即時掌握周邊範圍內,有什麼吃喝玩樂的地方,同時想搵地鐵站亦都即時搵到,更有埋路線圖,路痴跟住行就得。最重要是支援繁體中文,亦可影相同朋友分享。

韓國自由行 韓國自由行

Android下載
韓國自由行

iOS下載

韓國自由行

跳出首爾
Go Travel

性質上與i Tour Seoul好相似,都是具有定位功能,可以找尋周邊不同設施,但勝在不單止局限於首爾,入面的內容更包括埋濟州島,對於同時要去首爾及濟州島玩的人最適合不過。而且app內的地區都幾多,日後去日本、台灣等地旅行,都會用得著。

Screenshot_2015-08-14-03-45-49 Screenshot_2015-08-14-03-46-14

Android下載
Go Travel android

iOS下載
Go Travel IOS

即計匯率
XE Currency

去韓國購物,其實都幾爽,求其換少少錢都幾十萬,要做百萬富翁都好易,不過回到現實,每餐都食過萬,好快就變窮光旦!所以購物飲食,當然要知價,而XE Currency就是一個匯率計算app,輸入銀碼即計港幣。其實大數當然要計清楚,但面對小數又計都幾煩,所以小記有時去超市,就會自動減兩個零還原港幣價,雖然這個計法比實際滙率計出來高,但既然價錢高你都覺得抵買,表示件產品真正符合你要求啦!

Screenshot_2015-08-14-03-47-37

Android下載
XE Currency android

iOS下載
XE Currency iOS

韓國openrice
단골맛집

​去韓國搵食,又想食物有保証,最好當然要問問韓國網友。不懂韓文?我都不懂,不過有단골맛집,就算不懂都無問題。這個app有韓版 Openrice之稱,入面有齊首爾、釜山、濟州等超過 2000間餐廳資訊。雖然評語同餐廳資料只得韓文,不過就有圖示表示有幾多個人讚好,就知間食肆風評如何。加上內置埋GPS定位功能,一click即可搜尋出附近的餐廳同相片,看圖點餐,搞掂。不過只限Android先有,同iOS無緣。

Screenshot_2015-08-14-03-48-14 Screenshot_2015-08-14-03-49-02

Android下載

단골맛집 android

伸延閱讀:〔 韓國自由行 〕住宿編:$156住兩晚最好? Airbnb租民宿實戰