OnePlus 2 好易拆 |自換電池好簡單

剛於今個月推出的內地品牌手機 OnePlus 2 ，由於要有邀請碼先買到，搞到想買機都不易。而專門拆機的外國網站iFixit，一收到部機就即刻支解，結果發現， OnePlus 2 都幾易修理。

不似而家推出的新手機，硬件結構複雜到暈，用家想維修，基本上拆完部機都未必裝得番。而在iFixit的拆機過程中，發現 OnePlus 2 相對上好易拆解。換電池同換USB Type-C線就最簡單，拆開手機殼再擰幾粒螺絲就搞掂，所以網站給予7/10分俾 OnePlus 2 。不過，雖然贏過Samsung S6及HTC M9等手機，但最高分的始終是LG G4。