〔 韓國自由行 〕飛機落地兩事必做  首爾換錢坐車小貼士(Part 1)

〔 韓國自由行 〕飛機落地兩事必做 首爾換錢坐車小貼士(Part 1)

2015-09-04 Off By 金仔

首爾 旅行,通常都坐通宵機,夜機去早機到,辛苦少少但可以玩多日。不過,去到通常都無精神,個人暈暈地,好易做錯決定,加上有兩件事必做,分別是坐車去換錢旁身同坐車去民宿或酒店,點先可以做得最醒?下面話你知。

換錢篇

03aaa

香港換錢?

去旅行,當然要準備當地貨幣,香港有得換韓圜的地方不多,如果比較出名,就有中環百年,但如果大額換通常都要打電話去訂,同埋辦公時間去換,其實都幾煩。至於銀行,更加不是每一間都有,就算有都不多,所以每次去韓國,我都揀直接當地換。

首爾

其實香港換韓圜匯率一向麻麻,唯一好處是有一堆錢在身,可以安心即刻購物。

首爾 機場換少少

只要一拎完行李,過完海關報表之後,就會有找換店可以唱錢,究竟應該換幾多?去開旅行都知,機場換錢永遠都蝕硬俾佢,例如以現時匯率計算,如果在機場換1對146,去到市區,大約可以有1對151至152左右。如果以換$1,000計:

機場:$1,000=146,000won
市區:$1,000=151,000won

兩者相差5,000won,睇落不多,但足夠增值一次T-money(即香港的八達通)或者買到件衫(無錯,真係買到),加上各大旅遊區,包括明洞、東大門、南大門全部都有找換店,易搵過便利店,只要行程第一日落去其中一個地方,就一定換到錢,你應該知點揀。

首爾

無呃你,5,000won真係買到衫,仲要好多選擇,想知邊度先有?留意U4get啦!(咁都要賣廣告)

既然如此,應該要換多最好?通常只要換半日使費就夠。如果用一個人去計,首先大約預20,000 won坐車(機場巴士價格由7,000 won至15,000won不等,至於機場快線8,000won就得),再加多大約20,000won飲食費再緊急用錢(例如坐車去到找不到酒店或民宿要坐的士)加埋40,000won一定夠用。

首爾

只要到旅遊區就有大量找換店,不過換之前,最好行多幾間,匯率會有3won差價左右。

如果以現時匯率計35,000won折合大約$274(以1對146計算),不過,換錢換到太碎,對方都未必換,乖乖拿出$500吧(如果一大班人當然就可以再計計數先換。)

伸延閱讀:〔 韓國自由行 〕飛機落地兩事必做  首爾換錢坐車小貼士(Part 2)