一套《Pixels》電影，勾起一班中年game迷的那些年情懷。雖然套戲的負評極多，但只要經歷過那個年代，劇情如何老土，game迷都會一概接受。如果嫌睇電影未夠喉，日本就有隊樂隊 NES Band ，專門演奏番任天堂八十年代的舊game音樂，中坑game迷一定好有feel！
NES Band 每次都由四人表演，睇片可見，每個成員都會負責一條音效channel，然後合拍地演奏各種懷舊遊戲主題曲。如果聽完下面條片都未夠，仲可以去返 NES Band 的網站，入面仲收錄了其他香港人都熟悉的懷舊遊戲表演，例如孖寶兄弟、洛克人、俄羅斯方塊等等，絕對不可以錯過。
來源：NES Band
