電玩動漫迷，最鍾意拎不同作品的角色來比較，例如草帽路飛同狐忍鳴門邊個更強等。但講到龍珠的悟空，其實都好難搵人比較，因為勁到連星球都可以轟爆，仲可以點鬥？不過，見到一些網友的改相改片，都依然睇得好開心。好似這個將《Dragon Ball Z》及《Street Fighter 2》的格鬥畫面合成，製作出來的 悟空大戰街霸 短片，就相當好睇。
在 悟空大戰街霸 短片內，悟空會逐一飛到不同國家，挑戰街霸內的角色，一開始對Ryu及E-Honda時，都要用瞬間移動擊破對手，但對住巴西的Blanka，竟然一腳KO，睇落相當可憐。之後悟空仲要對付街霸的四大天王，對付赤目司令時更要變身超級撒亞人。雖然明知是改片，但剪輯效果做得好出色，不妨一睇。
