不知是否日本人壓力特別大工作特別忙，行入日本便利店飲品櫃，會好容易發現架上排滿各式各樣的提神飲品。要突圍而出，自然又係靠廣告。最近Suntory就同京都大學研究院合作，用拋銀仔來表現高度集中力，以突出旗下 Regain飲品 的功效。點玩法？其實好黐線。
廣告入面安排了43個研究生參與，全部人排成一線，然後順序向6米前43個玻璃容器掟銀仔。由於要掟入屬於自己隻杯，同時又要用玩人浪式方法出手，瞄準得來又要兼顧出手時機，無高度集中力，根本無可能做到。至於點解如此高要求，原來每個容器入面灌注一定水量，令銀仔入水時發出的聲音各有不同，用超慢鏡重播這兩秒內發生的動作，就會聽到原來入水聲加起來是莫札特的作品Minuet！
睇片好似好易，實際拍攝時到底要掟幾多次先可以成功？從43個研究生的表情就可大約估到。玩到咁大去推銷 Regain飲品 ，真係要寫個服字。
來源：Regain
