手提藍牙 蛋糕喇叭 |無線充埋手機電

經常出國工幹或去旅行，通常都會帶埋手提藍牙喇叭上路，沿路或返到酒店，就可以用喇叭播歌或睇戲解悶。i.Tech新推出的 PowerBrick 蛋糕喇叭 ，內置電不單夠播32個鐘頭歌，機身支援Qi制式無線充電技術，仲可以幫支援Qi的手機充埋電，可說是旅遊好幫手。

PowerBrick的長方外形，睇落十足一件雪芳蛋糕，賣相得意。由於內置4400mAh充電池，所以足夠連續播32個鐘音樂，相當實用。除了可以無線播歌，機身亦有Qi制式充電晶片，只要放上支援Qi的手機，即可進行無線充電，毋須再插充電線。體積方面只得141x75x49mm，方便攜帶。 蛋糕喇叭 除了有啡色，另有黑色機款選擇，但外相就不及啡色特別。預計十月發售，價錢待定。

 

發布會上除了有 蛋糕喇叭 ，另有一款藍牙入耳式耳機MusicBand Shine，戴上後都頗為舒適，隔音程度令人滿意。而且耳機經Liquipel納米塗層技術處理，可以防汗防水濺，做運動都可以用埋，售$559。