Paint FX iOS免費app |手指捽芒輕鬆改圖

成日玩IG的話，想自己的相多人追睇，除非你是型男或索女，否則就要靠張相的構圖或內容，去吸引人follow。用IG提供的濾鏡去修改，未必可以改到隨心所欲，iPhone用家改圖，不妨試試這隻 iOS免費app Paint FX，要將相片內的局部地方轉色或加特效，輕輕鬆鬆捽下芒就搞掂，認真要試試。

睇以下這段示範片，就知道這隻  iOS免費app Paint FX 改圖有幾易，要局部轉色，用手指捽一捽就可以突出到張相的主題，再配合其他特效，就可以輕鬆打造到一張視覺效果特別的相。雖然這是一售免費app，但想用到全部效果，就要俾錢買需要的特效先用到，並非完全免費任玩。但其實只用免費效果，都可以玩到好出色。