[遊日情報]勁抵大阪蠔放題生蠔焗蠔任食兩個鐘

上次介紹完大阪的新晉蝦湯拉麵同埋四湯沾麵，今次就介紹超抵食蠔放題俾大家。這間かき小屋フィーバーボーボーアフロ只要俾3,980yen，就可以任食生蠔同蠔料理，而這些生蠔及焗蠔在店內散叫已要約300yen一隻，其實好易回到本，大胃王就更加是必食。

u4get — 生蠔來自日本兵庫縣及三陸，單一隻已賣350-380yen，食到十隻已回本。

かき小屋フィーバーボーボーアフロ這間蠔放題食店，位於日本橋站附近，由日本橋站5號出口步行約5分鐘就到，地理位置相當理想。小店提供兩個放題方案，分別為有生蠔及無生蠔，兩者價錢相差只是1000yen。如果鍾意食生蠔，可以點3,980yen套餐，除了可以任食生蠔、焗蠔及蠔飯之外，每位客人都會另上蒸蠔兩隻、炸蠔兩隻連薯條各一客。生蠔方面海水味不濃，但新鮮脆甜，至於焗蠔，起初以為味道會一般，但食完一隻即發現好鮮甜，絕對不會輸俾生蠔食法，所以即使同不吃生蠔的朋友去都無問題。
雖然限時兩個鐘，但店員非常勤力，一點完蠔隔幾分鐘就到。想添蠔，最簡單方法是向店員說「O KA WA RI」，但就算你不說，他們都會隨時留意你食淨幾多蠔，差不多就問你是否添食，一定食得你飽。另外，這間蠔放題的好玩之處是每次店員替你冚蓋焗蠔後，時間一到店員自動過來幫你開蓋，但這時他會要求你跟他在開蓋時一起大叫Fever，而且全店客人都會嗌埋一份，好好玩。