[遊日情報] 大大盒燒牛扒飯 |大阪梅田千yen美食

如果打算去大阪梅田Sky Building空中花園這個景點，又嫌地下街瀧小路的食物貴，返去梅田車站的阪急三番街，即時有好多美食可以揀。不過，要食得美而廉，一定要試試這間本みやけ的大大盒燒牛扒飯，成個set都只是930yen，就有大份量嫩滑牛扒食，但就要排隊先食到。

有上網爬過文，應該都知阪急三番街出了名是美食街，內裡的食店多不勝數而且種類繁多，揀都有排揀。這間本みやけ食店並非坐落中央當眼位置，而是設在B2地庫南大應的最外圍通道，不太起眼。不過，只要你在繁忙時間走一圈，就會發現唯獨這間小店門前排滿日本人，可說是非常地道食店，而在店內點餐的人之中，大部分都會選擇這款大大盒燒牛扒飯，就知有幾受當地人歡迎。
店內提供的食物不多，其中最抵食的是Steak重（ステーキ重）定食，一大塊燒得剛剛好又腍又嫩又多汁的牛扒，被整整齊齊切細鋪在飯盒內，色香味俱濃，配埋醃菜、味噌湯及沙律，都只是930yen。不過由於實在太多中幫襯，而店內又只得16個位，建議最好在非繁忙時間先好去。