新舊 N3DS 比併 |玩芒亨要買新機

新一集《Monster Hunter X》已經推出，各芒亨獵人應該又打到天昏地暗，之不過，成日開隻game玩，都會深受load game時間之苦，開機要等，入酒場要等，去到獵場轉區又要等，有時都等得幾忟。有無諗過，原來換部新的 N3DS ，可以縮短讀game速度，打怪打得更爽手？

日本任天堂最近就在自家YouTuber channel出了一段比併片，將新舊兩部 N3DS 放埋一齊，然後比較一下兩部機讀《Monster Hunter X》的速度，結果發現，單是開機時間已經相差十幾秒，然後在入game、轉場時間亦都快過舊機少少，雖則每次相差幾秒，但狩獵得多其實都可以慳番不少時間。不過，任天堂又無叫你一定要換機，只是話你知有這些分別，換不換機就自己諗諗。