而家個個人差不多都有部smartphone，而且不少人都習慣坐又玩行又玩，行住玩其實好危險，好多人都試過因為玩手機玩到搭車坐過站，行路撞親人，但依然好多人照做。日本電訊商NTT DoComo就特登拍一部武士出門短片，玩俾人聽 低頭玩手機 ，絕對有好多意外會發生。
其實NTT DoComo認真有heart，當其他電訊商好似香港的只是掛住賣廣告銷手機plan，氹多點人上台，基本上都無其他廣告。而NTT DoComo在賣手機賣plan之餘，仲識得拍片宣傳叫人不要 低頭玩手機 ，值得一讚。由片裡面睇，行住玩手機而發生人撞人意外，原來在日本有66%出事率，而玩到跌落車站月台，都有3.6%，比起行到不知自己去了哪裡，撞到其他人部手機跌爛，嚴重好多。所以奉勸大家一句，都是留番坐低或企定定先好 低頭玩手機 喇。
