最強手機拍攝升級   iPhone 都拍到超淺景深

最強手機拍攝升級 iPhone 都拍到超淺景深

2016-01-11 Off By Genki

雖然iPhone 6s的影相質素已經好過不少相機,但講到景深,始終受限制於細少感光元件,無辦法做到 超淺景深 效果,最多只可以用手機影像編輯app改圖,效果不夠自然。攝影師Jake Burgess就諗到一個睇落好搞笑的方法,令iPhone 不單只可以影到 超淺景深 相,仲可以用埋其他單反相機的鏡頭添!

dof still1

其實要玩到 超淺景深 的方法非常簡單,就是將iPhone的鏡頭位置,對準貼在單鏡反光相機的觀景器位置,於是乎用家就毋須花大筆金錢,購買iPhone專用鏡頭轉接器。睇片試出來的效果,的確出色好多。不過,單反的觀景器入面的線同對焦點就會一齊影埋入張相裡面,要用其他方法移除。而且既然都要成部單反拎出街先影到這些效果,那麼為何仲要用手機影?不如用Wi-Fi功能即時將相過入手機再放上網分享仲簡單啦!不過專業攝影師影相嘅考慮,我哋呢啲凡人識條鐵嗎?

 

30 Second DIY iPhone SLR Lens Test from Jake Burgess on Vimeo.