舊瓶舊酒溝新酒 | Casio EX-ZR3600 繼續自拍

舊瓶舊酒溝新酒 | Casio EX-ZR3600 繼續自拍

2016-02-18 Off By 金仔

Casio 自推出了自拍神器之後, DC 相機都以自拍、美顏為中心,最近又推出 EX-ZR3600,如果單睇外型,可以話同前作無太大分別,而新增功能方面,亦都主要以軟件升級為主,相信最大賣點,只得「粉紅嫩肌」模式同強化的自動傳相功能,對女士們又有幾大吸引力?

01a

辨認自拍照

今次其中一個升級功能,主要在於 Wi-Fi 傳相上,其實之前用家只要安裝專用 app ,即可將相片傳到手機,不過今次新升級功能,用家可設定自拍照,先傳去手機。由於毋須全部相都先下載,慳到手機位置,亦都免卻慢慢揀相傳到手機的時間,一收到相立即放上網,快人一步呃到 Like 。

u4get

鏡頭旁邊多一粒快門掣,有咩用?自拍時咪可以用囉。

「粉紅嫩肌」效果

另一個賣點,是加入「粉紅嫩肌」效果,固名思意是美白之餘,又可以將面色變得紅潤。當然,為了不至過份浮誇,變化都唔算好大,不過睇落亦都變得精神不少。至於手機亦內置美白、滑肌等功能,想女士們影不到白淨靚相,都幾難。

u4get

按鍵不多,但有轉盤配合操作,又幾順手。

u4get

新機會有三種顏色,最搶眼都算是粉紅色。

u4get

除了調校美顏級數之外,亦有不同美顏模式可以揀,總之咩都係美顏。

男士會買嗎?

男士影相當然甚少用美肌,如果一般使用,部機又買唔買得過?論功能,具有12倍光學變焦、25mm廣角、五軸防手震、F2.8光圈、1080p拍片等,基本上去旅行要的功能都齊全,至於對焦方面都算快,又有180度反芒方便構圖,當後備機都得。不過,部機的美顏模式可以話無處不在,如果男士想買呢部機,就千萬不要拎去酒吧、夜店用,否則被人誤認為hehe,就比較尷尬。

u4get

只掀起屏幕,之後對住部相機揮手,就會自動影相,當然動作不能太快。

試相