〔 金仔韓遊 〕去韓國食 醬蟹 辣蟹   點食最好你要知

〔 金仔韓遊 〕去韓國食 醬蟹 辣蟹 點食最好你要知

2016-04-06 Off By 金仔

好多地方都有得食生蟹,例如泰國生蟹上海醉蟹北海道蟹腳刺身,去得韓國旅遊,又點可以錯過韓國醬蟹呢!?其實如果不嫌貴,在樂天市場有得賣,想平又抵食,都可以去廣藏市場入手。至於坐定定食,亦都有不少醬蟹(或稱醬油蟹)、辣蟹專門店食到,但點食先啱?下面慢慢教你。

對於少食生蟹的讀者,或者未必知道不同地方生蟹的味道有什麼分別,或者我簡單講幾句:泰國生蟹屬無添加方式食法,最多加少少魚露同辣妹調味,所以蟹新鮮就好食,否則……,至於肉質較鬆散。至於醉蟹及醬蟹則屬同一類,經過一段時間醃製而成,不過前者酒味較為濃烈,後者則以豉酒味較重,但肉質較生蟹較為硬淨少少(真係少少咁多),帶有蟹肉發酵後的甜味,同時有輕度「黏」口的感覺。

至於食醬蟹方法好多,其中一種是蟹身首先除肺(食過大閘蟹都知,癈話!),之後將蟹肉由蟹腳方向擠出,放到白飯一同進食。而我選擇另一種食法,就是將白飯放到蟹上,再吸啜蟹肉。或者你會問:直接食蟹肉又如何?其實都無問題,不過會偏咸,加白飯就剛剛好,而且加上白飯甜味,味道更上一層樓。

至於蟹蓋方面,食法同食蟹肉大同小異,但白飯更加是必須。因為蟹黃變過醃製之後,直接食會感到牙齒表面有一層粉,有點奇怪,反而用飯配食就不會有這個問題。

u4get

溫馨提示:這間位於廣興倉站 4 號的無限添食醬油蟹已經無做任食。