〔金仔韓遊〕去韓國食日本料理? 被鬧都要去 Kobekyu 食炸牛扒

〔金仔韓遊〕去韓國食日本料理? 被鬧都要去 Kobekyu 食炸牛扒

2016-08-23 Off By 金仔

通常去旅行,最好當然去當地食地道食品,如果你同朋友講,去韓國食日本料理,一定會俾人鬧,等同有朋友遠道來香港,你帶他去吃迴轉壽司一樣(雖然香港迴轉壽司都唔平!)。但如果話你知,在首爾的弘大與上水站,有一間超好食的炸牛扒店,仲有必食的咖哩烏冬及牛里飯,當你見到相片的一刻,就算被朋友點鬧,都一定會去。 炸牛扒店 韓國

01

常言道,要搵美食,先消耗腳力,這間 Kobekyu位置並不算好找,位於弘大入口站與上水站之間,步行都要 10 至 15 分鐘腳程,而且仲要上一層先到,千萬不要餓到快不行才去!而鋪面並不算易搵,只有一個白色的小招牌及一條放在樓梯旁的 banner ,所以最好金睛火眼望到實,否則行過都未必知。

02

當行到門口,看上去似一間 café 多過餐廳,亦由於位置問題,只要不是食飯時間,一般都好少人,可以坐得好舒服。而店內提供套餐,不過要提提你,雖然睇落好多食物,但其實份量並不算多,一個人要吃完完全沒問題。

12

Set 1:炸牛扒( 160g ) x 2  + 汽水或啤酒 x 2  售價: 26,000won

Set 2:炸牛扒( 240g ) + 咖哩烏冬或雞肉炒麵 + 汽水或啤酒 x 2  售價: 30,000won

Set 3:炸牛扒( 240g ) + 咖哩烏冬或雞肉炒麵 + 牛里飯 + 汽水或啤酒 x 3   售價: 42,000won

04

先講炸牛排,其實如果去京都,都算是一稱新興食法,以吉列豬排形式去炸牛扒,內層只得三成熟左右,食落去軟滑而不硬。這種煮法最大的秘訣是只炸 30 秒,過火肉汁就會收乾,牛扒亦會變硬。而這裡的炸牛扒都卻好可以保持肉汁,加上只有 35 天天然熟成牛肉(牛肉放置一段時間會自動發酵,令肉質變冧,而一般只會用 3 至 5 日時間去熟成,就算較高級亦只會用 20 至 25 日的熟成牛肉,而熟成時間越長,水份越少,價錢亦越貴。),不錯。

07 炸牛扒店  韓國

至於咖哩烏冬,在上菜時沒看到?其實上面鋪滿忌廉的,就是咖哩烏冬。這個咖哩烏冬是此店另一必食,因為每一條烏冬除了有咖哩之外,亦會沾上忌廉,香滑之餘又不辣,大人細路都一定鐘意。

炸牛扒店  韓國 炸牛扒店  韓國

最後亦是必食的牛里飯,上枱時備有一個小火爐,只要將牛肉放到火爐上,每邊大約烤 10 秒左右,沾上醬汁或芥辣即可,同樣軟身之餘,牛味十足,配合天然發酵之下,沒有肌肉的纖維阻礙進食,非常不錯,可惜份量有點少,一個男人未必食得飽。

08炸牛扒店  韓國 炸牛扒店  韓國

Kobekyu 고베규카츠

地址:마포구 서교동 402-24 2층 /首爾特別市麻浦區西橋洞 402-24 2/F

點去? 坐 2 號線弘大入口站 1 號出口,直行至大型大字路口轉右

營業時間:11:30 22:00 1500 17:00 午休

電話:02 334 2015 炸牛扒店 韓國

11