廢物利用?  有村架純 Po 舊相呃9萬幾Like

廢物利用? 有村架純 Po 舊相呃9萬幾Like

2016-09-07 Off By 張悅
日本超大勢女星有村架純,自從年初套月九劇《每當想起這段愛情都會哭》收視仆直後,好似沉寂咗一排,但其實佢密密咁上雜誌、拍廣告,搵埋搵埋都唔惹小。不過,可能佢見好耐無新作出,驚餓壞班電車仔,噚日失驚無神喺IG度Po咗張背住個夕陽,一個大Wide shot嘅靚相,再喺留言講句:「懷念,回音。」 有村架純
有村架純
有村架純

勢估唔到,呢張唔見佢靚樣,簡單到係人都識影嘅相,竟然得到班宅男強烈嘅「回音」,短短一晚吸咗9萬幾個Like。班宅男仲痴線到從佢嘅衣著、背景,「推斷」出呢張相係《每》劇未曾曝光劇照,連遠景嘅兩隻馬、電線杆都講埋,話肯肯定係喺北海道取景時所攝。最誇張係,班友仔完全無視套劇收視低、劇情膠嘅事實,留言大讚套劇好睇,有人仲話套劇係佢「人生中最重要嘅劇集」。

都係嗰句啦,人紅做咩都啱!

有村架純

有村架純IG