女性天生貪靚，所以就算幾懶都好，最低限度都會做面膜，保養一下面部皮膚。不過，每次做完面膜又要揭走面膜，對懶人來講都幾煩。而最近日本有一間名為pdc公司，便推出一款能夠完全溶化的面膜（溶けるマスク），毋需揭走，皮膚能完全吸引，而且具有 25 種不同的保濕精華所組成，又可以吸收大量精華，又貼上面瞓又不怕面膜貼到天光，簡直是懶人福音。
其實這種面膜一開袋，便可以睇到比一般的面膜薄，而且呈透明狀，主要是因為採用特別的物料製作（當然係商業秘密啦！），會隨著皮膚的溫度而溶化，之後再被皮膚所吸收。不過，講明是新科技，價錢都不平，獨站一片裝大約賣 900 日元（約 $68 ），但可以完全被皮膚吸收，點都應該試一次吧！想用最好當然去日本買，而這個pdc牌子的產品，亦有在卓悅出售，得閒去開，記得睇下有無入這種新面膜。
來源：J CAST
