早前 Nike 將經典電影《回到未來2》(Back to the Future Part II)中,男主角曾經著過的自動綁帶鞋重現,並名為 Nike Mag ,而不同用家都陸續收到實物。好多人都會第一時間想一試有幾得意,不過只限拍賣仲要貴到離譜。但點都好,網上陸陸續續都開始有開箱片出現。根據影片可以看到,鞋身及鞋底都分別設有 LED 燈,充電方面為無線充電,外型似雪靴多過波鞋……不過重點是:你會著出街咩?
日期: 2016 年 11 月 4 日
無面人騎單車狂追? 唔知好驚定好笑
自從早前台灣有小朋友,在萬聖節時扮《千與千尋》的無面人賣萌之後,大家對無面人這個角色都開始留意,而今次到日本有人扮無面人,但日本這位仁兄,好明顯同個萌字完會拉不上任何關係,因為他竟然是以無面人的裝束,駕駛電單車在馬路上行駛,好彩是日間見到,夜晚出現,俾佢嚇死之餘,隨時仲想將佢打死!
無得玩 FF XV ? 等手遊新作《 FINAL FANTASY LEGENDS II 》止癮
《 FINAL FANTASY XV 》好快就推出,有PS4 的用家,當然好期待,但如果你無,亦都毋需失望,因為 SQUARE ENIX 仲有好多手遊可以玩。之前推出的《 FINAL FANTASY BRAVE EXVIUS 》是其中之一,而好快又會有另一隻《 FINAL FANTASY LEGENDS II 》(ファイナルファンタジーレジェンズ II)登場。
蘇寧時代廣場新店開幕 33 折兼推 $1 限購優惠
通常有新鋪開張,都會有優惠,而在明天(2016 年 11 月 5 日),蘇寧銅鑼灣時代廣場店便會開幕,便會推出限購優惠,除了部分產品以低至 33 折出售之外,部分指定產品更只需要 $1 買到。而數到最筍,分別有 $2,500 買到的 SIGMA 18-35mm F1.8 DC HSM鏡頭、 $1,888 買到的 SAMSUNG GALAXY TABS 8.4 LTE平板電腦,有時間點都要去望吓!