本田翼曬舊拍檔合照狂吸Like 福士蒼汰唔多制

本田翼曬舊拍檔合照狂吸Like 福士蒼汰唔多制

日本新生代女星本田翼經常Po相呃Like係人都知,近排佢孖小惡魔石原里美套《地味にスゴイ!校閲ガール・河野悦子》(台繹:校對女王)收視唔錯,更加令到佢個IG人氣爆晒燈。
本田翼

噚日,本田佢出席活動時,遇到上上季日劇《戀仲》嘅拍檔福士蒼汰,本田立即「發哥上身」Selfish合照放上網。唔使講,緊係立即引來無數Fans關注,一晚之日已經去到15萬個Like,仲有過二千幾人話,佢哋非常登對,俊男美女無得頂添。

本田翼

不過,有眼尖Fans就留意到,佢哋合照時,福士好明顯都幾強顏歡笑,兩個人仲要企到離行離迾,點睇都係本田喺度自High,話可能福士諗番起當初套《戀仲》,個收視大爆死到幾乎集集被傳要腰斬,先擺出咁嘅樣喎。
其實最有可能係,福士驚畀緋聞女友川口春奈睇到張相,罰佢跪玻璃至真。

本田翼

來源:本田翼IG