步入秋天，天氣乾燥自然要飲更多水，不過香港人日做夜做，莫講話去洗手間，就算飲水都未必有太多時間。最近香港便有公司開發一個名為 Ozmo Java+ 的智能水杯，能對用戶進行定時飲水提示及記錄飲用咖啡的狀態，內置保暖機能，令你幾忙都好，能夠補充足夠水份，另外亦可連接手機記錄你的飲水狀況，售價為 $699 。
日期: 2016 年 11 月 17 日
舊相數碼化？ 用手機 app 《 PhotoScan 》就搞掂
以前影低不少舊相，手頭上又無掃描器，可以如何立即數碼化？最簡單方法當然是用手機影低相片。不過，普通用手機翻拍，反光又矇，質素未必夠好。最近 Google 就推出手機 app PhotoScan ，用家可以即時將相片拍下，然後即時進行修改，變成一張靚靚的數碼相，隨時在手機睇又得，放上雲端用其他裝置睇都得！
漢科 11/25-26 開倉 半價狂搶 NAS 外置硬碟
步入秋天，天氣轉冷，大家當然會著多件衫，同時都要小心荷包，因為最近漢科大搞 Crazy Sale （只能贈你兩個字：九唔搭八！），既然有減價，當然又要數有幾吸引，今次主力以外置硬碟及 NAS為主，其中減得最勁，就是由 Synology 的 NAS 及 G-Techology 的外置硬碟，部分更差不多減至半價，雖然部分激減產品限量出售，不過都有搶的價值。
航拍機又有新功能 美男子航拍捉姦
航拍機愈來愈多人玩，「被開發」的功能都愈來愈多，不單止可以用作自拍，美國用戶名為 YAOG 的男人，更發掘出新功能，就是捉姦！事緣是這名用家在 YouTube 公開了一段影片，拍攝自己妻子出家門開始的跟蹤片段，並目擊他上了另一名男子的車上，一同去約會的片段，雖然無所謂「捉姦在床」的証據，但至少應該可以証實對方有無講大話。