芒貼都有永久保用 Movfazz 爆一張免費換一張

用開手機，周不時都會唔小心跌落地，而跌爛屏幕貼更有常有，如果用普通「雞」貼，隨時要跌一次換一次，都幾煩。而最近芒貼品牌 Movfazz 亦有新產品，除了會有更加強的保護能力之外，更加推出永久保養。無睇錯，連芒貼都有永久保養，而且並無特別條款，爆一張換一張，最平幾十蚊有交易，只比「雞」貼貴十幾廿蚊就無限更換，計落條數抵好多！

芒貼都推出永久保護？的確好少聽，由於 Movfazz 只推出 iPhone 貼，所以 Android 用家無緣一試。而只限 iPhone 原因，當然是手機通常兩年就換機，兩年內你跌得幾多次先？不過，就算只是跌爆芒貼三次，以賣 $68 一塊計，每塊都只不過廿幾蚊，買張「雞」貼都差不多，加上張貼具有高透光度及疏水疏油技術，更提供 3H 至 9H 抗刮力，保護能力一定更加好，點計都抵好多。