農曆新年一向都是國內的消費月，而國內手機廠都開始準備推出新機應市。而最近華為便有消息流出，將會推出四弧邊的手機，同時亦會加入比現時更加快的快速充電功能，而且更可以在五分鐘內充入 48%。不過，最嚇人都是機價，有內地傳媒指要 9999 人民幣，一部手機過萬，好多年都未聽過，仲要國產機，你又點睇？
或者你可能會話，iPhone 一早都有四弧邊，有幾奇？但今次 Huawei Magic 除了四弧邊之外，更重要兩邊極大機會採用 Samsung 相似的曲芒設計，吸引力更高。而根據消息指，今次推出的手機，充電器的輸出，將會為 5V / 8A ，足足較一般的手機高出三倍甚至以上，而輸出功率為 40w ，相比剛推出的 Mate 9 只得 25w 更高。屏幕方面，則為 5 吋 2K 屏幕，機面及機背都採用玻璃設計，並會內置自家制麒麟 950 處理器及 4GB RAM ，支援雙鏡頭設計，亦支援虹膜。
來源：搜狐
