小松菜奈孖福士蒼汰 拍新片 網民讚好襯

小松菜奈孖福士蒼汰 拍新片 網民讚好襯

2016-12-13 Off By 張悅
日本女星小松菜奈堪稱惹火尤物,唔係話佢身材好標青,而係佢同每個拍檔都傳緋聞,仲要幾乎次次都被人爆相爆片,最經典就係同韓星G Dragon影輯雜誌相,隔無耐就有佢同GD齊齊浸溫泉嘅「閃卡」流出。

嚟緊17號佢孖新星福士蒼汰套催淚電影《ぼくは明日、昨日のきみとデートする》(跟原著漫畫繹:明天我要跟昨天的你約會)上映,原先都好多福士Fans都驚小松會「拖累」偶像又玩緋聞、又傳閃卡,但近日當二人齊齊去宣傳時,班Fans就勁讚二人無論顏值、身高、氣質都好合襯,班友睇完套片個預告,見到男、女主角係咁咀,仲話二人根本就應該一對。難怪電影公司對套片咁有信心,話目標「要成為本年度最賺人熱淚的純愛電影」。

不過,大家好似忘記咗,福士個真.緋聞女友川口春奈仲存在喎。

來源:ModelPress