輕到小朋友都用得  正負零無線吸塵機 Y010

輕到小朋友都用得 正負零無線吸塵機 Y010

2017-05-08 Off By 金仔

香港同日本都一樣,居住空間,電器都要求機細易收納,所以不少人揀電器,都鍾意日本產品的原因。而最近日本品牌正負零 無線吸塵機 Y010 ,亦都正正是以多功能為主,體積輕巧兼只重 1kg ,小朋友都可以幫手做家務,加上全機都可拆洗,不怕積塵積霉,售價為 $2,280 。

Y010只需一鍵操作,就能切換三種強度:標準/強力/高效能,機身重約 1kg (短管模式),除了方便清潔車廂或抽屜等位置之外,小朋友亦能獨自幫手清潔。在標準模式下約可連續操作57分鐘,足夠應付日常清潔工作,再配上可拆式電池,拆下電池就可隨處充電,不用移動整台吸塵機,輕鬆方便。


天氣又濕又熱,最怕吸塵機污物積聚加上潮濕而發出陣陣霉味人。 Y010 除摩打及電池以外,全機皆可清洗,配合可水洗的濾網,保持衛生。而跟機除了多用途清潔軟喉及專屬接頭,亦設有專用於真空壓縮袋,幫手為衣物抽真空,功能都算多,加上設有紅、藍、白三色,總有一款合心水。