【唔怕伏再試】淘寳入手 HK$200 真無線耳機  價錢更低又有無伏?

【唔怕伏再試】淘寳入手 HK$200 真無線耳機 價錢更低又有無伏?

2017-08-05 Off By 金仔

上次在葵涌買入三百多元真無線耳機,已經伏到無朋友,單是兩邊耳機經常斷線一點,已經難以接受,理論上應該完全受到教訓。不過,阿寳都識講:「人類總要重複同樣的錯誤」,見到淘寳堆真無線耳機平到只要百多元即可入手,好難忍手,而今次測試的是原價299人民幣,之後減價至169人民幣(約 HK$200 )的力族 W1 (名呢家野,點會得一個,你睇落去就知),究竟又會有什麼結果?下面慢慢講。【唔怕伏再試】淘寳入手 HK$200 真無線耳機 價錢更低又有無伏?

【唔怕伏再試】淘寳入手 HK$200 真無線耳機 價錢更低又有無伏?

淘寳真無線耳機平,一早預計到,老實講大家都知不少香港平價耳機,其實都是淘寳而來,可以話是公開的秘密。既然要買,當然要揀個外型吸引而又多人買,評價都要「正面」先。不過搵完一輪,就會發現伏味好濃,首先第一款是 QCY Q29 ,其實不少香港鋪都賣緊,價錢幾多可以自己睇,淘寳大約 HK$200 ,既然香港賣到周街都有,試嚟都無謂。(除非讀者要求啦!)

【唔怕伏再試】淘寳入手 HK$200 真無線耳機 價錢更低又有無伏?

跟住到另一款叫簡約 K2 ,外型上睇落唔錯,價錢又好平喎,不過睇真少少……全部電腦合成相,真相都無一張,俾你,你仲信唔信佢?結果都係放棄!之後再慢慢揀,半個鐘之後,先㨂到力族 W1。㨂佢原因有三;一是有用家真評價話唔錯,二是有IPX4防水……濺(官方夠膽大大隻字寫 IPX4 防水,勁!),論性價比都算高,三是夠多顏色㨂,紅、藍、白、黑咩都有。

【唔怕伏再試】淘寳入手 HK$200 真無線耳機 價錢更低又有無伏?

經過差不多兩星期(真係要兩星期,成個大陸行晒先到香港),終於都到手,一收到個盒……?!?細成咁?一個手掌大細。國內同胞幾時變得如此環保?而盒身標示型號為 TWS-E7 !(老闆,完全違反商品說明條例喎!)算, IPX4 都可以話自己防水,盒面亂寫又有幾奇先!最重要入面同我想買的耳機有無分別。

 

好彩,耳機個樣就一樣,無搞錯。盒入面有說明事、充電線、三組耳塞(一組已在耳機上),外置充電盒比想像中細。官方無明確表示充電盒可以充到幾多次,但如果以規格數值每邊耳機各55mAh電量計,380mAh的外置充電盒應可以充到三次左右。(真係試過先知)

05

即時進行配對,說明書都算寫得清楚,基本上只要跟住程序去做,問題都不大,一次就配對成功。反而沒有上次入手的國產耳機,兩邊經常配行出現問題的情況,似乎內銷產品,果然不同。經過上次的經驗,首先當然試連接能力,開住歌通屋走,試試連接訊號,竟然喜出望外,隔住一個實心牆的情況之下,竟然無斷線!好多大牌藍牙耳機都未必做得到,不過,又開始搶心訊號太高,會唔會生癌……(真係犯賤……)

06

至於配戴的舒適感,其實都算不錯,初試十五分鐘,都算穏陣,沒有散脫感。之後試聲,先試慢歌,由 A-Lin 的《難得》試起,發現低音雖然都是一貫較重,但不像之前的重,人聲的空間感亦算不錯。而三音中,以低音最突出,之後到高音,人聲反而有點縮後的感覺,但整體都算舒服。至於細緻度?兩百多元來說,不算好高,但至少不會有「炒埋一碟」的感覺。

07 08

反而值得一提的是,可能由於耳機未煲過,所以聽歌時會出現輕微的小雜音,這種雜音並不明顯,亦不會長時間出現,大約出現五至六秒左右,但由於是慢歌,如果細心留意,其實都會聽得出。之後,試一試中板快歌,就以泫雅同賢勝的《Trouble Maker》做測試,一開始一小段左右聲交替的電子音樂,意想不到又可以交待得到,而低音都不用多說,夠強。

09

再試埋Big Bang 的《Bang Bang Bang》韓國演唱會版,面對觀眾聲與歌手聲同時出現時,開始有少少混合不清的情況出現,不過值得一讚的是空間感,以二百元耳機來說,都算做得幾好,在多重不同聲音下,仍感覺到一定的立體感。唯一是在約3分鐘打後連續鼓聲及低音混合時,略為有點混亂,但整體上都算合格。

11

不過,咪安心住,試埋出街先講!

12