可能係全世界最輕最細4G智能電話？ Unihertz Jelly Pro 專攻跑者

還記得在 feature phone 年代，好多電話都要求細，方便帶出街，愈細部愈好賣。而去到智能手機年代，由於觸控屏幕及睇片問題，便要求部機屏幕愈大愈好。但最近有生產商反而其道，推出 Unihertz Jelly Pro 手機，更以「可能係全世界最輕最細4G智能電話」作口號，專攻運動用家，又是否能吸引到用家呢？

話 Unihertz Jelly Pro 細，究竟有幾大？其實就等於手掌般的大細，而重量只得 73.5g ，機面設有 2.45 寸的輕觸式屏幕，大約只得 5 吋屏幕手機的四分之一左右。雖然細，但其實都是一部智能手機，內置Android 7.0作業系統及4G網絡，亦內置有 Google Play 內的應用程式。規格方面，則是四核 1.1 GHz 處理器、2GB RAM及16GB ROM，設有雙Nano SIM卡插槽。

老實講，規格好一般，甚至在現今有點低，吸引力何在？根據代理的說法，有不少人在跑步及健身時有聆聽音樂的習慣，但他們大多都會隨身携帶體質較大的智能電話以播放音樂。而迷你輕巧的Jelly Pro便可以成為用家的“iPod”，加上Jelly Pro專用手機運動臂帶更可以令用家做運動時方便携帶，可以一邊做運動一邊聽歌。同時，雙Nano SIM卡插槽設計可省卻外遊或公幹人士要轉換SIM卡的煩惱，為用家帶來「一機雙卡」的方便。

簡單講，其實就是一般手機的代替品，當你不想帶大機出街時，就可以帶部 HK$998 的平價電話，跌爛、撞爆都不怕有心痛，不過，除非你特登出多張電話卡，否則跑步就要換卡，都幾煩，用部四防電話，可能更方便。