仲食骨食炒價? csl 推「 Nintendo Switch 主機 5G 優惠服務計劃 」

仲食骨食炒價? csl 推「 Nintendo Switch 主機 5G 優惠服務計劃 」

2020-05-08 Off By 金仔

自從疫情加上限聚令,家用遊戲機一度成為瘋搶對象,其中 Nintendo Switch 更由大約 HK$2000 ,炒至近 HK$3000 ,部分食埋「骨」,更加要 HK$3500 先可以帶返屋企玩。最近 csl 便推出「 Nintendo Switch 主機 5G 優惠服務計劃 」,最平月費 HK$298 可以拎走 Switch 主機或 Switch Lite 及大熱遊戲≪集合啦!動物森友會≫,好心動啊!

仲食骨食炒價? csl 推「 Nintendo Switch 主機 5G 優惠服務計劃 」

其實今次「 Nintendo Switch 主機 5G 優惠服務計劃 」可以話分為兩部分,分別有 Switch 遊戲組合同埋Switch Lite 遊戲組合,玩法同上台出機一樣,前者可以拎Nintendo Switch (原裝行貨) 紅藍配色主機 或 ≪集合啦!動物森友會≫特別版主機連Nintendo Switch≪集合啦!動物森友會≫盒裝版軟體;後者就拎Nintendo Switch Lite (原裝行貨) 連Nintendo Switch≪集合啦!動物森友會≫盒裝版軟體返屋企。

仲食骨食炒價? csl 推「 Nintendo Switch 主機 5G 優惠服務計劃 」

至於價錢方面,兩個計劃當中,最抵玩就是大專生尊享的4G 月費服務計劃 ,月費HK$298 就可以零機價兼零預繳拎走遊戲機連game,至於唔係大專生都有另一個5G組合可以買到機,分別是HK$305 (Switch)或HK$274 (Switch Lite)上台(而另付HK$18行政費),預繳HK$$2,568 及 HK$1,824 。計返條數,又算不算抵?普通5G 8G 月費$198,兩者差價 HK$107 、24個月後,多俾 HK$$2,568 ,亦即時簡單講用預繳價買機,雖然無平到,但唔使食骨食炒價,其實都諗得過。

相關網址