硬體安全金鑰免費送 高風險Google用戶限定

硬體安全金鑰免費送 高風險Google用戶限定

Google 最新宣布,公司將會為 10,000 多個「高風險」人士,免費提供自家硬體安全金鑰(Hardware Security Key)Google Titan,提升佢哋嘅帳戶安全性。發言人話呢萬幾人正受到其他由國家支援嘅黑客組織高度關注,例如俄羅斯黑客組織 Fancy Bear。Google 方面指出,高風險人士包括記者、維權組織、政府官員,以及為國家安全效力嘅機構,咁都好容易理解嘅。

有險可守

Google 免費派 key 已經係今個月發出嘅第二次網絡安全行動,喺上個禮拜,Google 已宣布喺今年底會強制為 1.5 億 Google 用戶及 200 萬 YouTube creators 啟動兩步驗證(2-step Verification, 2SV)功能,即用戶喺登入帳戶時除咗要有自己設定嘅密碼,仲需要使用通過其他驗證手續,例如使用 Google 嘅 Authenticator app 、開啟 Gmail app 或上面提及嘅安全金鑰,如缺乏呢組輔助驗證程序,用戶就無法登入帳戶。

啟用咗嚴謹嘅登入流程控制,帳戶俾黑客入侵嘅風險自然大減。不過有利就有弊,如果用戶咁啱無手機或 security key 喺附近,例如漏咗喺睡房或公司,咁就無辦法即時登入帳戶,起碼都要行返入房執返部手機或 security key 出嚟先得囉。

詳情:https://tcrn.ch/3iShcH3