勒索軟件反擊戰現曙光 多個犯案集團被破解解鎖有望

勒索軟件反擊戰現曙光 多個犯案集團被破解解鎖有望

有留意網絡安全新聞,應該都知道勒索軟件(ransomware)喺近一兩年可以話係最令企業膽顫心驚嘅網絡攻擊之一,部分犯案集團例如 GandCrab、REvil、Darkside 等更非常囂張,大肆宣揚自己成功入侵多間國際大企業,贖金以億美元計,賺到盆滿砵滿之餘,亦吸引到更多人合作,為犯案集團提供入侵途徑,成功後就可以分到鉅額贖金。要向勒索軟件反擊 ,殊不容易。

不過,近半年俾人㩒住打嘅情況似乎有變,REvil、Darkside、BlackMatter 等多個集團被執法機關成功瓦解,另外,BlackByte、Atom Silo、LockFile、Babuk 等知名勒索軟件亦先後被多間網絡安全公司破解出解鎖金鑰。到底發生乜嘢事?

勒索軟件反擊手法愈趨成熟

業內人士就指出,面對過去兩年嘅敗局,網絡安全研究員已逐步掌握勒索軟件嘅漏洞探磡方法,好似網絡安全公司 Emsisoft 就係一個成功例子。另外,Colonial Pipeline、Solarwinds、Kaseya 多個事件亦加強咗多國執法機關嘅打黑決心,相信喺搗破犯案集團嘅基建設施過程中,所收集到嘅資料亦加速咗網絡安全公司對勒索軟件嘅了解,導致近期好消息特別多,就算之前不幸中咗招,而家都有好大機會破解到咁話。

詳情