神秘AirTag匿藏車身 美女用戶拒單身外出

神秘AirTag匿藏車身 美女用戶拒單身外出

Apple AirTag 喺今年 4 月推出以嚟,都已經出現好多成功搵返失物個案,小編之前亦分享過一個尋找電動滑板車嘅故事。不過,今次就要講嘅係佢嘅邪惡用途,亦係一開始外界最擔心嘅 use case。一個居住喺美國 Jonesboro 嘅女用戶,有日揸緊車去買聖誕樹之際,佢部 iPhone 突然彈出通知,指有一個 AirTag匿藏喺佢附近兼跟隨住佢移動;最驚嚇嘅係呢名女事主根本無 AirTag,甚至連 AirTag 都未聽過,好明顯佢係俾人跟蹤緊!雖然佢已經將 AirTag 交咗俾警方,現階段仲未搵到幕後黑手,但就已經令佢非常擔心,仲話暫時都唔敢單獨外出。

AirTag 原本係俾 iOS 用戶將 AirTag 掛喺銀包、車匙、門匙等物品上,有需要時便可通過 iOS 裝置嘅Find My 功能,清晰顯示物品位置。另外,如不幸喺街上遺失物件,只要有人拾獲,亦可利用iOS 裝置掃描AirTag,讀取物主預先輸入嘅失物聯絡方法。但另一方面,AirTag 嘅定位功能亦令佢變成跟蹤神器,雖然它不具備上網或GPS 定位功能,但因為其內置嘅處理器可通過藍牙無線傳輸技術,不停偵測附近有否Apple 裝置,再依賴對方嘅位置進行定位。試想一下,單是iPhone 已有數以億計銷量,因此使用AirTag 跟蹤目標人物,可謂易如反掌。

AirTag匿藏有險可守

事實上,Apple 喺發布 AirTag 時,已表明有對策防止追蹤,例如iOS 裝置可顯示不屬於手機持有人、卻隨著手機不斷移動位置嘅 AirTag;又如 AirTag 長期離開已配對裝置,AirTag 亦會通過機身喇叭發出聲響,讓人察覺身上或許有其他人嘅AirTag 存在。不過,呢套拆解方法必須喺 iOS 或 iPad OS 裝置都更新至 14.5 以上系統版本先可以使用;而對Android 或其他智能手機用戶來講,如果手機支援NFC 功能,亦可以徹底掃一掃隨身物品,如發現彈出前往Find My 嘅通知,便等於AirTag 已藏在該物品中。

詳情:https://bit.ly/3nDs4eu