德國下月立新例 完善監察網速制度保障消費者權益

德國下月立新例 完善監察網速制度保障消費者權益

喺嚟緊嘅 12 月,德國政府將立例要求完善客戶與網絡供應商嘅平等關係,新例內容係必須讓客戶可以測試上網速度,如實際表現同網絡供應商承諾提供嘅速度有 10% 差距,客戶就可以獲得月費折扣優惠😃!至於點解要立呢條例呢?係因為德國消費者維護機構經測試後發現,有一半以上消費者都未能獲得合約承諾嘅上網速度,所以先有必要立法保護消費者。

要達成呢個要求,客戶必須使用由 German Federal Network Agency 開發嘅官方測速器,而且喺兩日內進行每日 10 次測速,再除出平均上網表現,並唔係一次定生死。可能大家會諗,醒目嘅消費者咪可以特登去啲接收不良嘅地點測速囉?答案係唔可以嘅,因為草案內容已經提到 20 次嘅必須分兩日進行,而且每日 10 次嘅測速亦必須分布喺唔同時段進行,所以某程度上係可以杜絕到消費者出古惑,但就當然唔可以百分百阻止到啦!講到尾,真係要睇吓慳返嚟嘅月費冚唔冚到出術嘅成本囉。

詳情:https://bit.ly/3nUU51z