10美元惡意軟件選擇多 手把手教學建立地下商譽

10美元惡意軟件選擇多 手把手教學建立地下商譽

點解而家網絡攻擊好似咁多元化同普及?原因好簡單,因為愈來愈多犯罪集團喺暗網出售各式網絡攻擊嘅簡易套件,就算買家唔多熟電腦編程,一樣用得,而且售價仲平到你唔信,根據網絡安全專家調查顯示,一般惡意軟件平均10 美元就買到,喺香港想買件 1kg嘅牛油都唔止呢個數啦~~

HP Wolf Security 安全團隊早前做咗個惡意軟件價格統計,佢哋係暗網討論區收集咗3,500 萬個 posts,分析不同種類惡意軟件套件嘅售價。喺10 美元或以下呢個區間,專家就發現已經可以買到76%惡意廣告軟件,以及 91% 已知漏洞攻擊軟件。而入侵企業遙距桌面協定(RDP)嘅帳戶登入資料就更平,平均只須5 美元,如果每日食少一餐,幾個月後你都可以變成惡意軟件收藏家。

為咗提升銷售額,專家又發現有唔少犯罪集團會提供一站式服務,即係除咗供應隨插隨用惡意軟件之外,仲會提供埋說明書甚至一對一教程,務求令客戶可以通過購買嘅惡意軟件達成目標,同時亦可以建立商譽,吸引更多人幫襯。

詳情:https://bit.ly/3vb94aP