Google 親生仔 Pixel 6A 出貨 係指紋就解到鎖

Google 親生仔 Pixel 6A 出貨 係指紋就解到鎖

Google 新推出嘅 Pixel 6A 終於抵港,對鍾意「親生仔」又無咁多預算嘅用戶嚟講,應該都猶豫緊買唔買好。同一時間,外國有用戶喺 Reddit 同 YouTube 出 post 發表靈異事件,指佢哋喺開箱享受緊新機功能嘅時候,發現雖然已經設定好指紋解鎖功能,不過,其他人竟然都可以用自己嘅指紋嚟解鎖手機!極度懷疑係手機嘅屏底指紋感應器或演算法出咗問題。可能受影響嘅用戶唔多,所以未見 Google 有任何公布或回應。

部分受影響用戶話只要刪除晒已儲存嘅指紋記錄,重新登記後就回復正常,但有部分用戶就唔成功,暫時要手動改用屏幕圖案鎖或密碼作為解鎖方法,以防手機內嘅資料俾其他人睇到。其實上年推出 Pixel 6 及 Pixel 6 Pro,已有唔少用戶反映手機嘅指紋解鎖速度慢、準確度又唔高,嚴重影響手機使用體驗,而有部分升級咗 Android 13 beta 版嘅用戶,更話 Pixel 6A 嘅解鎖速度慢到想死,如果取消已登記指紋,之後想再登記都會持續出現 Error,要降返去 Android 12 先無事,睇嚟早買都唔一定早享受。

詳情:https://bit.ly/3cSxwY3