惡意負評勒索禮物卡 米芝蓮餐廳成攻擊目標

惡意負評勒索禮物卡 米芝蓮餐廳成攻擊目標

唔知大家有無印象,早幾個月有澳門泰式食店東主喺 Facebook 出 post,指有一個所謂嘅本地飲食 Foodies 私下短訊佢哋,要求俾幾百蚊俾佢哋寫食評,暗示無錢收就會「直率」咁寫返佢哋嘅評語,結果 post 一種即惹來熱烈討論,指呢類 foodies 簡直係用另一種方法收陀地。其實類似做法亦有喺美國發生,不過人哋就做得精啲,唔出名齋留負評。

早前 The New York Times 報導,美國紐約’三藩市、芝加哥多間米芝蓮星級餐廳收到勒索電郵,內容係要求店主買張 75 美元嘅 Google Play 禮物卡,再將兌換號碼寄去一個 ProtonMain 加密電郵服務地址,如果唔照做,佢哋就會喺 Google Maps 或其他 Google 平台,喺店主嘅餐廳資訊內留低負評及俾一星評價,而且會有系統及持續咁做。喺電郵入面,罪犯聲稱來自印度,話雖然對店主感到唔好意思,影響到間店嘅生意,但佢哋為咗求存,先至逼於無奈咁做。

如果大家都喺 Google 開過商家檔案,亦喺地圖上認證咗店鋪位置,可能都知要 Google 移除負評有幾困難,不過,如果真係唔好彩俾人惡意負評或收到呢類勒索,大家都不妨試下用以下方法解困。

首先可以去「請求移除評價」頁面(https://bit.ly/3BKwOqt),點擊後登入返自己嘅帳戶,之後再搵返評語頁面,要求移求相關評語。喺過程入面你需要選擇審查原因,喺呢個情況下應該揀「Civil Discourse > Harassment」或「Deceptive Content > Misrepresentation」呢兩項,之後就可以等審查結果。 

詳情:https://bit.ly/3cZ2sWJ