雖然現時絕大部分的手提電腦，都設有藍牙功能，但有不少「上年紀」手提電腦，仍未有藍牙，如果用得好哋哋，又未必會因為無藍牙而換新機，最簡單方法當然是使用外接藍牙接收器。想平，去「福仁」都買到，但要音質有保証，可以考慮 Sennheiser 的 BTD 600 藍牙適配器 ，售價都只不過是 HK$349 ，點都好聲過幾十蚊貨仔。
藍牙好唔好聲，最主要是取決於使用的制式，BTD 600賣得貴，當然唔會只得藍牙4.0，而是使用藍牙5.2及支援最新的aptX音訊編碼，優點是聽歌時音質會比較好，睇片時亦都可以減低延遲問題，同時亦都可以用隻耳機控制簡單的音樂設定。
BTD 600主要使用USB-A插頭，跟機會送埋USB-C轉接器，不過有USB-C嘅機體大多內置藍牙，所以用途應該不大，除非你覺得部機嘅藍牙太弱雞，咁又另計。適配器支援Windows及Mac兩個主要作業系統，而插入電腦後只需與耳機配對一次，之後就會自動連接。
售價：HK$349
