ChatGPT 人工智能超識答 入門漏洞題目秒速破解

早前專門研究人工智能技術嘅組織 OpenAI 免費開放 ChatGPT 對話模型俾大家試用,其他地方玩得慶烚烚,可惜暫時就未十卜香港,想試用真係要大費周章,用 VPN 之餘仲要搵個外國電話號碼收驗證短訊。推出無耐,美國一位電腦安全研究學者 Brendan 忽發奇想,嘗試喺對話間求助 ChatGPT 機器人解決一段程式碼,呢段程式碼其實係一個最入門嘅 capture-the-flag 題目,目標係要利用程式碼缺陷,以記憶體緩衝溢出(buffer overflow )方法嚟覆寫破壞程序運行,又或取得系統控制權。當 Brendan 輸入相關程式碼之後,ChatGPT 居然好快回應,而且仲就住 Brendan 提供嘅系統資料詳細講解破解方式!

之不過,Brendan 話其實 ChatGPT 係答錯咗問題,因為人工智能話要輸入至少 32 位元字串就可引發 buffer overflow,但實際上係需要 36 位元先得,而經過 Brendan 暗示後,ChatGPT 喺第二次作答就攞到滿分,換言之,要使用 AI 嚟寫惡意程式嘅日子已經不遠。其他人喺佢嘅 twitter 留言內容,除咗就今次事件感到驚訝,仲有人話諗唔到 AI 嘅對答咁完整流暢,有興趣不妨 click 入 Brendan 嘅 twitter 睇睇。

詳情:https://bit.ly/3Hv0kDn