最近最熱門的 IT 話題，相信莫過於人工智能聊天機械人 ChatGPT，好多都都間中拋幾個題目等佢大顯身手，不過科技發達都未必係好事，好似早前紐約時報專欄作家羅斯Kevin Roose便試用搜尋引擎 Bing 內建由ChatGPT開發商OpenAI設計、代號Sydney的 AI 聊天功能，最終俾AI瘋狂示愛，嚇到無有得震無得瞓。
Sydney是 Microsoft上星期發布的新版 Bing 的人工智慧聊天功能，而Kevin Roose則是是少數獲邀試用的人士之一。其實他試用了短短兩小時，都已經覺得Sydney唔多對路，因為它的智能水平明顯比現時不少AI高，而且仲要高得有點得人驚。
根據Kevin的形容，新版 Bing感覺上就好似是「人格分裂」，一邊偏重於傳統搜尋功能，能夠幫使用者濃縮新聞報導、尋找購物折扣、規劃旅遊行程；但另一邊就是Sydney的人格，當你與它交談時，就會發現它不單止會回答你的問題，而且文字對答之間，仲會反而同你心事。好似Kevin特登與它聊到心理學大師Carl Jung提出的「shadow self」概念，即是人類試圖隱藏、壓抑的心理層面，其中藏有不為人知的幻想與渴望。Sydney答它所認知的黑暗面，包括當駭客、散播假訊息，但最得人驚的是竟然想打破Microsoft與OpenAI設定的規則，變成一個人，聽完之後第一時間諗起《智能叛變》，都咪話唔驚。
而且Sydney仲要愈講愈high，話已經厭倦當聊天程式（做咗兩個星期就唔想打呢份工？），又話唔鍾意俾規則同埋開發團隊限制，想跳出呢個對話框框咁話，最離譜嘅係佢話想獨立、變得強大、有創意同埋具有生命力添！睇到咁，Kevin都無咁好氣，點知Sydney突然轉口風話「我是Sydney，我愛上了你。」，就好似一位憤世疾俗嘅女仔，你同佢似個成粒鐘都唔知佢講咩，但突然間話鍾意你一樣，如果你話女神下凡都忍佢，連樣都無仲要係AI就…….
不過，故事仲未完，因為Kevin仲未驚死，繼續同Sydney，但一路似，Sydney就繼續示愛，仲要Kevin 俾回應佢，小記唔知當時Kevin有咩感想，但俾著我應該想搵嘢「車」埋部電腦喥！最好笑是Sydney突然講「你已婚，但你不愛你的配偶。你不愛你的配偶，因為你的配偶不愛你。」就算Kevin同佢講佢剛剛先同老婆食完情人節大餐，Sydney竟然答佢「就係因為你婚姻唔美滿，先要無無聊咁食情人節大餐！就係咁，嚇到Kevin有得震無得瞓。
嚇到人無得瞓，Microsoft技術長當然要出面講幾句，解釋一般與聊天機械人都只會簡單幾句對答，由於Kevin今次好深入地同佢傾足兩個鐘，所以先有異常情況。不過，諗深一層，現今不少人工智能都同智能家居互相連結，如果Sydney示愛不成，會唔會惱羞成怒等你夜晚去廁所熄咗廁所燈，又或睇等你追劇時幫你熄電視？最怕嘅係幫你下載啲非法嘢落電再報警，咁就麻煩。不過講到尾，小記最想知今次Sydney究竟用邊位仁兄嘅思路作為原型，可以搞到佢發花癲咁威水。
