《史迪仔》（ Lilo & Stitch ）首波影評出爐 6 大必睇理由

迪士尼《史迪仔》（ Lilo & Stitch ）即將在美加地區公開上映，而早前優先場後，不少影評出爐均一致好評。電影亦即將會香港上映，究竟這部電影有什麼值得看的賣點？以下將歸納出 6 大必睇理由：

人見人愛破壞王史迪仔全新搞作化身萌寵闖入真人世界

迪士尼人最得人鍾意的破壞王史迪仔首度以真人版登上大銀幕！以一身真實感十足的藍色毛毛，配上活靈活現的神情動作，CGI版史迪仔既百分百還原可愛趣怪的模樣，又有前所未見的活潑動感，化身成為超得意萌寵闖入真人世界，冧爆全球萬千粉絲，當然要第一時間入戲院攬實史迪仔啦！

2. 史迪仔人氣高企超越20年再創新熱潮唔睇冇話題

多年來人氣高企的史迪仔，本身是外星實驗生物626號，人設百厭鬼馬、古靈精怪，愛搞破壞又力大無窮，兼且超級聰明。自2002年於《扮嘢小魔星》動畫面世後，史迪仔不但贏盡觀眾歡心，更榮獲奧斯卡最佳動畫提名。之後接連推出續集以及電視影集，一直大受歡迎。今次化身真人版，定必掀起新一輪史迪仔熱潮，唔睇冇話題！

3. 奧斯卡最佳動畫提名導演＋《阿拉丁》幕後班底頂尖特技活現史迪仔

迪士尼將經典動畫真人化，往績驕人質素有保證，今次繼全球叫好叫座的《阿拉丁》(Aladdin) 、《獅子王》(The Lion King) 後，請來奧斯卡最佳動畫提名導演Dean Fleischer Camp，率領《阿拉丁》幕後班底重金打造頂尖CGI特技活現史迪仔，同時沿用動畫原裝配音班底，為觀眾帶來新鮮感與親切感兼備的經典再現！

4. 夏威夷可愛女孩化身妮露與史迪仔滑浪跳舞

史迪仔之外，小女孩主角妮露亦有真人版，由從數百名試鏡者脫穎而出、擅長跳草裙舞和滑浪的8歲夏威夷女童Maia Kealoha擔演，完全入型入格融入角色。同場更有其他大家熟悉的角色，包括強霸博士和獨眼霹靂，重現一幕幕經典大場面！

5. 大人細路最啱睇電影首選有趣搞鬼又窩心感人

電影有趣搞鬼之餘，一如動畫般重視「Ohana」，以史迪仔和妮露兩個孤獨的靈魂相遇，發展出一段真摯的感情，重現金句精神「Ohana means family. Family means nobody gets left behind or forgotten」（Ohana 即係屋企人，屋企人唔會被離棄或遺忘）。故事中的友情和親情窩心感人，大人細路都會有所共鳴。